728x90 شفرة ادسنس

  • اخر الاخبار

    الأحد، 26 أبريل 2015

    كلام مصاطب (1)


    بقلم - محمد فكرى 

    هو لحد أمتي هنفضل كده تقولي يعني أيه كده هقولك كده كلام كلام كلام صح وغلط عبط وهبل سياسه وأقتصاد دين ودوله تعليم وصحه والكل بيتكلم والثقافه شغاله والفهلوه والفتوى والتحليلات والأخبار والتأكيد والنفي ويؤكد مسئول وينفي الأخر والأعلام يسترزق والجرايد تكتب وتبيع والإثاره والتشويق والموضوع موضوع ،
    ويبقي الحال علي ماهو عليه لتعرف حقيقه ولاتوجد حلول وبتجري الكوره والفراغ يزيد ومحدش عارف حاجه بس احنا بنعرف كل حاجه، وهي دي الشفافيه والوضوح والتغير والجدل في الديمقراطيه  ,
    ولحد النيل ولازم نتنيل ونسأل ونقول هو النيل ده في مصر المصرين ولا علي الخريطة مرسوم ولازم نلقيله حل نردمه ونبيع الأرض اللي عليه ونعملها مساكن وأبراج ونحل مشكلة الاسكان ونخلص من وجع الدماغ والأقرف اللي مسببه للمصرين بلا أكل بلا شرب بلا كهربا باستثماره نشتري مياه معدنيه وبالفلوس نجيب طاقه بديله والأكل موجود بدال الفلوس كتيره ونوفر الأرشين اللي هنديهم لاثيوبيا ونرتاح من التهديد بحرب المياه وضرب السد العالي  وهو كده بنفكر خارج الصندوق اللي الصندوق في مصر أتخرم من كتر الأفتكاسات وبقينا ضحية الجهل والأهمال والفساد والغبا والوبا ،
    وبنتعامل مع كوارث النيل علي أنها مخالفه مرور أو كسر إشاره ولو كبرت تبقي تخطي سرعه ولوحصل حادث أهو حادث وهيعدي بس الحقيقه لكل المفتيين والعباقره والسياسيين والاقتصاديين والمصرين اللي له واللي ملهوش الكلام في النيل هو الكلام اللي مينفعش يكون كلام مصاطب.

    • تعليقات بلوجر
    • تعليقات الفيس بوك
    Item Reviewed: كلام مصاطب (1) Rating: 5 Reviewed By: alsharq alaraby
    Scroll to Top