728x90 شفرة ادسنس

  • اخر الاخبار

    الأحد، 10 مايو 2015

    كلام مصاطب (2)


    كتب - محمد فكرى 

    ثلاثه لا اربعه لاخمسه حبوب هلوسه في يومين والشعب متكيف والهري شغال الحق.. فيديو سيدة المطار بجميع دور العرض فلم درامي قصته سيده من طبقه مجهوله تتعدي علي ضابط شرطة بالمطار اثناء القيام بعمله والنقاد للفلم انقصموا مابين مؤيد لدور الضابط وبين معارض، فئه رأيها ان الشرطة أتغيرت والضباط عندهم ضبط نفس وأدميه في التعامل مع المواطنين وقلة أدب من الشعب اللي مينفعش معاه الا ضرب التيييييييييييييييييييييت ، والفئه الأخري بتتعجب علي مواقف الشرطه أسود مع الغلابه وفئران مع أصحاب النفوذ هي عشان واحده واصله محدش قادر يكلمها وجابوا أصل وفصل الست وتاريخها وحياتها وناقص ان الفيلم يأخذ جائزة الاوسكار أو مهرجان القاهره السنيمائي ، ولسه مخلص الفيلم ولقينا الإعلان عن مسلسل جديد بطله أبوتريكه والتحفظ علي أمواله لانتمائه لجماعه أخوان الشيطان والمزيكه اشتغلت اللي مع واللي ضد واللي بيتفرج من الاستاد واللي نازل الملعب ومش معروف المسلسل ده كام حلقه ، وفي هذه الاثناء يطل علينا خبر الحكم علي ريهام سعيد بسنه سجن مع الشغل لضربها مساعد مخرج وصورها بلبس السجن والشمتنين والزعلنين عليها والشغل اشتغل وزرغتي ياللي أنت مش فهمانه ، وعكشه يعلن إيقاف قناه الفراعين عن البث لانه فلس وبيشحت ومعهوش يجيب مرتبات العاملين وتكلفة البث ويطل علينا الاعلاميين ياحرام لا لازم تكمل مسيرتك يا دكتور عكاشه وهو يقول طيب اجيب منين مع أني بعمل كل ده عشان مصر ومصر مش حسه وفجأه القناه بعد مقفلت يومين انفتحت بقدرة قادر والملايين اتسددت ورجع عكاشه وحياه الدرديري لانقاذ مصر ، ومع الهري ده كله الشائعات شغاله عن ارتفاع في اسعار الكهرباء والبنزين واسعار السجاير عشان التامين الصحي والناس بتقول مجنونه ياطماطم وعوزين ناكل بميه واسعار الباميه نزله مع اسعار الدولار واليورو وكملت بمرتبات الطيارين اللي طلعوا مهربين وتجار شنطه وكمان بجحين وعوزين زياده في المرتبات ولقتنا كلنا طيرين ومش عرفين ننزل لان الطيارين ممتنعين والحكومه شيفه أن كل ده كلام مصاطب.
    • تعليقات بلوجر
    • تعليقات الفيس بوك
    Item Reviewed: كلام مصاطب (2) Rating: 5 Reviewed By: alsharq alaraby
    Scroll to Top