كلنا بنشجع ... شجع شجع ومتع نفسك وأرضيها ما احنا فينا اللى بيشجع فريق وفى كل مكان رايح جاى وراه وفينا اللى بيشجع نجم أغنية , فيلم وكمان بيدخل السينما ورايح وراهم فى كل حته وفينا اللى بيشجع السياحة واهو بالمرة يصيف اصله عايز يفوق ... وفينا اللى بيشجع السيجارة وغيرة عايز السيارة واللى بيبنى لاولاده العمارة واللى كان نفسه يسافر وسافر وركب الطيارة الكل دفع فلوس وتذكرة ومش مهم اذا كانت بتندفع فى حاجات حلوة او مسخرة 000
بذمتك مش نفسك وزى ما نفسنا كلنا نرتاح ونتلم ونتمتع ونفرح ونعيش سننا الطفل طفل والشاب شاب والكبير كبير وكلنا نستفيد من رحلة عمرنا ويرجع الخير والحب يضمنا 00 والله ممكن يحصل لو قربنا من بعضنا .. ايد فى ايد ونحب وطننا .... ونقول ازاى يمكن نحقق أملنا ؟؟
دعوة من رئيس الجمهورية ..... الى رجال اعمال من كل المحافظات ورجال اعمال من الخارج
ومشاهير العلماء ورجال الدين والعلوم والفن والرياضة وكل المجالات للدعم المعنوى ويتم دعواتهم تحت شعار شارك بنفسك و شجع بلدك وتكون الفكرة عبارة عن / ان يتم عمل دراسة وافية عن كل محافظة لاحتياجتها من الخدمات والمشروعات التنموية والمناطق العشوائية بها والقرى والمراكز وحصر اعداد العاطلين والمحتاجين والمشردين واطفال الشوارع وغيرهم ..
ويقوم رجال الاعمال بكل محافظة مع دعمهم معنويا وماديا من المحافظ ويقوموا بانشاء المصانع واقامة المشروعات التى تحتاج اليها المحافظة وتقام على اطراف المحافظة مثل الطرق الدولية حتى تصبح منطقة صناعية وسكنية فيتم حل مشكلات العاطلين والمحتاجين والمشردين وتكون تلك البداية ومن بعدها يتم دعوة باقى ابناء المحافظة للمشاركة باموالهم فى هذا الخير لمحافظتهم ولو بدفع القليل تذكرة او ثمن يوم من مصيفة ..... الخ الكل يشارك ولو بجنية ويقوم المشاهير فى اى مجال بزيارة المواقع ودعمها وكذلك يبرز الاعلام هذة المشروعات والاهم هو نمو الوطنية وحب الوطن بتكاتف كل ابناء المحافظة سويا ومن محافظة لمحافظة حتى يتم صناعة عقد جميل مترابط الحبات نهدية لبلدنا لتسعد بنا ونسعد بها ونصبح مترابطين نعمر الارض ونبنى لا نهدم ونرتاح لا نشقى ونحب ارضها ونضحى من اجلها عن حب وقناعه لا عن شعارات رنانه ..... وحتى تعود الوطنية والمواطنة لقلوبنا ممكن تشارك ممكن تساهم يلا يلا شارك بنفسك وشجع بلدك يلا يلا يلا ياااااا ريس خلى الشعب يشارك بأيده ويقدر قيمة اللى بايده ويحب بلده بالافعال لا بالاقوال وبدل ما نشجع اللى يرضى انفسنا فقط ايد فى ايد نشجع بلدنا ونرضى نفوسنا
يلا يلا شارك بنفسك ...... شجع بلدك 0
