بقلم / احمد المارية
يا سلام على شعب كل واحد فيه مفكر نفسه أنه بيفهم في كل حاجة بنسبة ال 100% تلاقي الموظف مش بيشتغل أكثر ما بياكل ولا بيتكلم وعندي حوائج الناس طناش ومبلم
والطالب بيفهم في الثورة والاقتصاد والسياسة وفي العلام ما بيتعلم والأخلاق بقت بخ أصله بقا معلم
رئيس أيوة رئيس إدارة ،نادي ، نقابه ، مستشفى ، جهه خدمات كرسي وتكييف وكلام يحلى في الصيف وندوات على شط لطيف وخطط ومشروعات وخدمات بنشوفها زي ألوان الطيف
وكل متخصص سايب تخصصه وبيتخصص في تخصص غيرة
يتكلم في السياسة ماشي والكورة وبناء الدولة مايجراشي
واخينا اللي لا شغله ولا مشغله وعمال يقول ويقول أصله حافظ مش فاهم الفرق بين المتاح والمعقول
والثاني لا عارف يدير بيته وعنده عيال كل واحد فيهم بحال القانع والطالب والمحتال ويقولك البلد حالها بقا حال ... وغيره وغيره
الكل بيطلب ولا يفعل .. ينتظر ولا يقدم قاعد مكانه وعايز كل حاجة 100% وفاكر نفسه أن كلامه وأفكاره هي 100% وعملين نقد في نقد وآخر كلامهم البلد رايحه في داهيه وتسأل عن حل عندهم متلقيش ويقولك نفسي اعيش وتلاقيه ولا عاجبه حكومة ولا رئيس ....
احنا كلنا ندرك اننا نواجه خطر هو أشبه بالطوفان من الداخل ومن الخارج وهناك ما يذاع علينا وما لابد من اخفاؤه لأمن الوطن فلا تفترض ان يتحقق كل شئ بنسبة 100% وإذا أرتم ذلك فعلينا العمل كل في مجاله والتفوق في تخصصه وإصلاح الأخلاق حتى يكمل بعضنا البعض
فكل واحد فينا يمثل نسبة وإذا اتخذنا بتلك النسب سنصل سويا الى نسبة 100 % وتصبح مصر اد الدنيا
فاحذروا ،،، إذا كان الله هو من يحمي مصر فلا تخشوا الخارج والداخل ولكن لا تغضبوه فينزل علينا غضبه ووقتها لن نلوم إلا أنفسنا ..
غيروا كل ما الفتموه وأضاع منكم كل جميل وأهمها الأخلاق والضمير فلنعيد كل جميل يد بيد حتى تحيا مصرنا لنا ولاولادنا ،،،
تحيا مصر ..... تحيا مصر
