تأليف / ياسر علي
امشي في طريقك عدل .. لو صعب هتعديه
ده اللي يعيش بالحلال .. يلقى الحلال يغنيه
أصل الحرام للئام .. وياريته بيـكـفـيـه !
ولا إيه ؟
..............................
فيه ناس معادن دهب .. وكمان ياقوت مرجان
و ناس حديد يتوزن .. عالفاضي بالمجان
وناس بتفهم غلط .. واخدينها بالأوزان !
ولا إيه ؟
..................
ياللي تحبوا الكلام .. إيه م الكلام تقولوه
بتجيبوا سيرة فلان .. وأبوه وأخته وأخوه
لو عشنا يامه كده .. يبقى هقول هأوه !
ولا إيه ؟
..................
الوزن في الكلام يفسده .. صدق الكلام موزون
وبلاش نحاول ونوزن .. أصل الميزان مرهون
فيه كلمة تطلع آوت .. وكلمة تدخل جون
ولا إيه ؟
..................
يابخت اللي يقدر يحب .. وما بيعرفش شر
ده قلبه قلب الياقوت .. الله حاميه م الأر
لو مره عامل لئيم .. يبقى أكيد مضطر
ولا إيه ؟
عجبي
