.بقلم/حماد مسلم
من منا لا يريد ان يلتقي مع الرئيس وجها لوجه ففي الحقيقة تقابلت مع الرئيس وهو يتجول شوارع القاهرة ليلا وبمفرده دون حرس اول شيء جري في ذهني معقول هو ده الرئيس رد علي قائلا ايوه انا الرئيس بصراحه لساني تلعثم لبعض اللحظات ولم استطيع الرد من المفاجئة هل بالفعل الانسان الذي بجواري اسلم عليه هو من احبه الرئيس فقال لي ازيك ياحماد قولت له معقول ياريس انت تعرفني ضحك وقال وهو يهز رأسه وبهدوء اخبارك ايه... بصراحه الخوف راح ووجدت نفسي اسألك ياريس هو ليه حرامية المناصب كتروا ليه واللي بيستغل وظيفته للكسب الغير مشروع وحرامية الاراضي اللي نهبوا البلد وبنوا علي ارضها ابراج الحرامية نهبوا ثروات البلد التي تقدر بمليارات بكل هدوء اجاب الرئيس بس بقي وباختصار كل اللي كسر كباية هيتحاسب عليها وكل من سرق هيرد اللي سرقه والدوله هيرجع حقها تالت ومتلت ارتاح قلبي وسالت الرئيس هو ياريس مؤسسات الدوله لسه فيها ناس متأخونه وناس محبه وناس طابور خامس امتي هتتطهر بهدوء وبكل ثقه لقيت الرئيس بيقولي كل وقت ليه اذان وقرب الاذان ..هو ياريس هو انت نازل لوحدك وبدون حرس وماشي في الشارع والشارع فيه حفر حتي عمدان الانارة كلها مش منوره حتي بالعات الصرف منها المسدود لازم انزل واشوف علشان مصر بتتغير و البنية التحتية بنعيد تطوريها من كهربا ومياه وغاز واتصالات قولت ربنا يعينك ياريس لقيت جرس المنبه وابني بيصحيني من النوم بيقولي بابا انا عايز المصروف علشان رايح الدرس اعمل المشروع البحثي معقول كان حلم مع اني كنت حاسس انه حقيقي زعلت اوووووي انه كان حلم وكان نفسي اسأل سؤال تاني هو مجلس النواب واعضاءه هم علي البلد ولا دعم للبلد وكمان الاحزاب فعلا احزاب سياسية ولا احزاب كرتونيه وشنطه رمضان والله اكرم ....بصراحة وبوضوح كلمة الرئيس عبد الفتاح السيسي للمحافظين وخاصة القاهره عن ظاهرة البناء المخالف وانتشارها بصورة رهيبة جعلت الانسان يفكر كيف عرف الرئيس بكل التفاصيل الا اذا شاهد بنفسه اتخيل ان الرئيس بالفعل يتجول بمفرده بعيدا عن اي روتين مما جعلني احلم بأنني قابلت الرئيس علي اي حال هناك اسئلة كثيرة ياريس تبحث عن اجابة المواطن البسيط ياريس بيعاني من الفواتير العشوائية واستغلال اصحاب المناصب مناصبهم لتقليب جيوب المواطن في النهاية ياريس البلد عايزه تتطهر من الحراميه وتجار الدين زي الناس اللي رفضت دفن الشهيده المواطن البسيط ياريس عايز يعيش ...كلنا امل وثقة في حكومتنا ونظامنا وريسنا الذي اعاد للانسان المصري كرامتها ربنا يحميك ياريس
