بقلم /حماد مسلم
لو كنت ناسي افكرك مطلع اغنيه اكيد هناك الكثير من يحب تلك الاغنية ولكن عزيزي القاريء ليست مطلع اغنيه ولكن هي رساله للاشرار ومن يشجعوهم ومن ينتمون لهم او من يشفقون عليهم العجب اننا بالفعل نجد من يمصمص شفاه مترحما علي جماعة الشر تعالي افكرك ونبدأ ان كنت ناسي افكرك
فاكرين لما قطر كانت عايزة تشتري قناة السويس بمسمي الصكوك الاسلامية ولما الازهر اعترض ولعوا الدنيا بحوادث التسمم اياها ؛؛
فاكرين لما قطر كانت عايزة تاجر اثار مصر علشان تسرقها ب 100 مليار دولار لمدة 30 سنة ؛؛
فاكرين لما العريان كان عايز اليهود يرجعوا مصر ؛؛
فاكرين لما مرسي كان هايدي حلايب وشلاتين للسودان ؛؛
فاكرين لما كان هايدي سيناء للفلسطينيين والإرهاب ؛؛
فاكرين لما طلع يقول وايه يعني لما يموت الوف علشان الباقي يعيش طبعا كان يقصد اي معارض ؛؛
فاكرين الاعلان الديكتاتوري اياه واللي حصل عند الاتحادية للمعارضين ؛؛
فاكرين الجنود اللي اغتيلوا غدر وهم بيفطروا علشان يقيل المجلس العسكري وطنطاوي ؛؛
فاكرين لما كان البنزين بالطوابير علشان بيتهرب لغزة ؛؛
فاكرين لما الكهرباء كانت بتقطع بالايام ؛؛
فاكرين لما قتلوا الناس عند مبني مكتب الارشاد ؛؛
فاكرين لما الدقون طلعت تبجح في الناس وصوتهم علي ؛؛
فاكرين عزيزي بيريز ونسيوا لما كانوا بيقولوا ابناء القردة والخنازير وعلي القدس طالعين ؛؛
فاكرين لما عذبوا الناس فوق مسجد عمر مكرم وشركة السياحة في التحرير ؛؛
فاكرين لما كل واحد باع اللي حيلته علشان يشتري سلاح يحمي عيلته واهله وركبنا شبابيك وابواب حديد وعشنا في زنازين تحت مسمي بيوت ؛؛
فاكرين مين كان بيرمي الشباب للتهلكة في محمد محمود وجري علي الانتخابات وتاجر بدمهم ؛؛
فاكرين مين اللي قال ان مرسي ام الانبياء والمرسلين بما فيهم الرسول ؛؛
فاكرين مين اللي عمل اجتماع سري مذاع علي الهواء فضحنا فيه وادي فرصة لاثيوبيا تمسك علينا غلطة وتتبجح علينا
في موضع سد النهضة ؛؛
فاكرين رئيس مصر لما قطعوا عنه الكلمة في مؤتمر القمة الإفريقية ووقفوه في اخر الصف في الصورة التذكارية وبعتوا واحدة بشنطة خضار تستقبله ؛؛
فاكرين رئيس مصر لما راح روسيا واستقبله رئيس وحدة محلية وراح يشتري سلاح للارهاب ؛؛
فاكرين لما امريكا اتمسكت بالاخوان ومرسي طيب ليه ؟!!! علشان عدوهم والا عميلهم ..!!!
فاكرين لما فضحنا في المانيا ودونت ميكس ؛؛
فاكرين لما فتح البلد لتركيا وصادراتها تمر بارضنا مجانا ؛؛
فاكرين قرض صندوق النقد لما كان حلال وقتها ؛؛
فاكرين لما افتتح مصنع مكرونة مقام من 5 سنين ؛؛
فاكرين اكذوبة طائر النهضة اللي ليه راس ومؤخرة ههه
وطلع فنكوش ؛؛
فاكرين مين اللي جاب الشيعة مصر ونجاد ورفع ساعتها
نجاد علامة النصر انه في معقل السنة ؛؛
فاكرين فاكرين فاكرين لاقيتكم مش فاكرين فقلت نفكركم ببعض الذكريات الهباب علشان اللي ييجي يحبطكم ويبث اشاعاته تدوه بالجزمة دا لو وانتم واعيين للمؤامره اصلا ؛؛
لو لسه حضرتك من الناس اللي فاكرين
اننا هننسي ونقول خلاص خليهم يختلطوا مع الشعب ونقول عليهم فصيل من ضمن فصائل الشعب الناس دي جلدهم طخين مفيش مخ هو الشعب هيتصالح معاهم اكيد لا
