تحرير/ أيمن بحر
باسم الوطن الغالي . باسم مصر.
باسم ازهرها وكنيستها باسم جيشها وشرطتها ..
باسم شبابها ورجالها باسم بناتها وفتياتها باسم المرأة المصرية المكافحه باسم عمالها وصناعها باسم فلاحيها ومزارعيها باسم مدرسيها ومهندسيها باسم فنانيها ومثقفيها باسم اهلها الطيبين المكافحين ..
باسم التاريخ والحضاره باسم ارضها ونيلها وبحرها ..
اقفوا جنب مصر . مصر محتاجه لجميع الشرفاء من أبناءها محتاجه لكل الأيادي البيضاء والعقول الثريه والنفوس الطاهره البريئة . محتاجه اللي يطبطب عليها ويساهم فيها .. محتاجه التوحد و الاصطفاف وتوحيد الفكر ومراجعة المنهج محتاجه تطهير العقول ونبذ العنف وغرس الإرادة في النفوس محتاجه زراعة الأمل ورعايته ..
اقفوا جنب مصر . ساهموا في البناء واتركوا منهج الهدم. احنا بنبني دوله من جديد ..
اقفوا جنب رئيس مصر جنب زعيم مصر . اللي بيبني ويعمر بيشيد اسكان ويمد مرافق مياه وطرق وكباري ساندوه وساعدوه بالكلمه والفكره . اتحدوا علي التعمير والبناء والتطوير . الريس بيعمر صحاري ويزرع وينتج محتاج للدعم والمسانده. .
ابتعدوا عن المنافقين والمخربين واللي بيلعبوا في التاريخ ويهدموا الحضاره ويشتتوا الفكر ويحبطوا النجاح ويبثوا السموم في العقول . تجنبوا المغيبين من يهدمون الأمل ويعبثون بالجيل معتادي التشويه والتشويش عشاق سواد الصوره ومنهج التحطيم . من باعوا انفسهم للشيطان واتحدوا من أجل التخلف والتدمير . من أضاعوا جيلا بأكمله ونشروا الفوضي عن قصد وعمد من ارتدوا عباءات مختلفه بداخلها غش وخداع من زيفوا وكذبوا. ابتعدوا عن الجهلاء ولا تصدقوا ما يشاع لبث القلق بين نفوس المصريين. من المأجورين وتجار الدين والدم سماسرة بيع الأوطان..
اقفوا جنب مصر. الوطن الحر الغالي. ابنوا مصر وساهموا فيها هي الباقيه ملناش غيرها. صحيح بنمر بظروف معيشيه صعبه وكلنا بنعاني وظروفنا ضيقه. لكن لازم نكمل احنا مشينا طريق طويل ونهايته قربت. اتحملنا علشان نجني ثمار تعبنا. كلنا شاركنا وكلنا اتحملنا وظروفنا واحده. ومتنساش انت اتحملت الجوع لكن غيرك قدم روحه ودمه. علشان يحميها ويحافظ عليها. علشان نكون كلنا بأمان وسلام واصحاب عزه وكرامه في وطن حر كريم ..
اوقفوا جنب مصر وانصروها واتحدوا خلف جيشها وقيادتها تكاتفوا جنب من راهن علي حياته من اجلها من قدم روحه قبل الجميع لعودة الوطن من مغتصبيه. لاتنسوا الأحداث والأيام العجاف لاتنسوا المؤامرات وماتم ويتم تدبيره في كل مكان لإسقاط مصر .
شعب مصر الكريم لقد تحملنا الكثير وعلينا ان نتحمل ماتبقي في طريق المجد و الرخاء طريق البناء و الإصلاح .حتي ننعم جميعا ونجني ثمار تعبنا ونحصد نتيجة جهدنا وماتحملنا ...
حفظ الله مصر وشعبها وحفظ الله الوطن. #تحيامصر .
_________________________________________
سليم الديب
مساعد رئيس حزب المصريين ....
