كتبت/هيلانه هانى لويز
مسلم مسيحى مليش دعوة
أنا إتربيت إن يوم الغطسة لازم قلقاس وقصب وسفندى وبرتقان عشان كدة أنا رحت إمبارح إشتريت القصب والقلقاس
أصل اللى ربانى كان مصرى
شوية مطر وقداس وعودين قصب
وحلة قلقاس يبقى أحلى عيد غطاس
واللي ماياكلش قلقاس يصبح من غير راس
واللى ماياكلش قصب يصبح من غير عصب
واللى ماياكلش يوستفندى مايبقاش أفندى
عيد الغطسة الغطاس والموروث الشعبى المصرى الجميل والروح الحلوة المصرية الصافية
كل سنة ومصر والمصريين بخير ومحبة