البحر الاحمر/أيمن بحر
اغنية كلمات/ شاذلي محمد عبدالرحمن حسين ابن محافظه البحر الاحمر بمناسبه العيد القومي للبمحافظة
في البحر الأحمر . شوفنا جمال
لو نحكي عنه . نقول موال
ع السمسية . وعال العال
دي بلاد أصيلة . جمالها خيال
احكيلي عنها . وقولي يا خال
عرفنا معنى . الطيبة أُمال
نبدأ . ومن أعلاها . شمال
من الزعفرانة . وقلبنا مال
بترول وطاقة . وهوا شغال
دقلها كف . تحية يا خال
ووصلنا غارب . كده فى الحال
بنحس فيها . براحة البال
بلد البترول . والغاز . أهو طل
والبريمات . تحفر . ويهل
دا شبابها . زي الورد وفل
دقلها كف . تحية يا خال
وفي الغردقة . ونعيش في أمال
شدوان قالتلي . على الابطال
إللي فدوها . ودمها سال
وعلمنا رفرف . فوقها وطال
دقلهم كف . تحية يا خال
لينا في السياحة . احلى مجال
فنادق وقرى . بنيناها . في الحال
وبلدنا السايح . فيها و جال
و سفارى رحلة . في احلى جبال
والبحر وعمنا . رمينا حبال
وسمك وصيدنا . ملينا شوال
ويارب كتر . من الأموال
دقلها كف . تحية يا خال
رحنا سفاجا . المينا وهل
والعبارات . فرحانة بتطل
رايحين جايين . والخير للكل
بلد الرجولة . والطيبة والأصل
دقلها كف . تحية يا خال
وع القصير . شدينا رحال
قابلنا فيها . اغلى رجال
وف التاريخ . اسمها متقال
ألف سنة . عمرها وطال
ومن الفراعنة . كانت في وصال
دقلها كف . تحية يا خال
مرسى علم . جددنا الحال
وللسياحة . بنينا مطار
وكمان قرى . وشباب شغال
وبكرة خيرها . الكل ينال
دقلها كف . تحية يا خال
والشلاتين . وحلايب . دول
أغلى الحبايب . حاضنة الكل
دي الطيبة . رمز وأهلها . أصل
وركبونا . أحلى . جمال
وجابولنا جَبَنَة . شراب فعال
دقلها كف . تحية يا خال
في البحر الأحمر . شوفنا جمال
لو نحكي . عنه نقول موال
ع السمسمية . وعال العال
دي بلاد أصيلة . جمالها خيال
احكيلي عنها . وقولي يا خال
عرفنا معنى . الطيبة أمال
الأغنية بلهجة أبناء البحر الأحمر وهي فلكلور على أنغام آلة السمسمية والدف وهي من أهم علامات محافظة البحر الأحمر
