البحر الاحمر/ أيمن بحر
من الأكلات المشهورة فى العيد الذى تمتاز بها مدن البحر الأحمر .. سمك ناشف
او مملح .. زمان كان الصيد يمتد بالشهور فى البحر تخرج القطاير واللنشات ما تسمى(عذبه) .. لا يوجد ثلج يضعوه على السمك .. فيقوموا بتشريح السمك ووضع الملح فى كل أجزاء السمكه بعد شقها من ظهرها وتشريحها من الداخل بطريقه حرفيه لا يعرفها إلا الصياد .. وبعد وضع الملح تغلق لساعات .. بعد ذلك تغسل جيدا وتوضع فى الشمس حتى تجف .. بهذه الطريقه تحفظ الأسماك من الأتلاف .. وعند عودة الصيادين يقوم بعمل ما يسمى دلاله ( مزاد) لهذه الأسماك ويفرز كل نوع .. وكل نوع له سعر صغير او كبير ... وكان مكان الدلاله فى السقاله بجوار محل الحاج محمد جادالله او بجوار قهوة سيد السمان .. ومن يقوم بالدلاله الريس عواد زروق ومعه الحاج ابو المجد الحلوانى بالمتابعه والكتابه ... ولا يخلو بيت من هذه الوجبه ( السمك الناشف) فى اول ايام العيد وقبل أن تكون عاده او تراث فى البحر الأحمر أيضا راحه للمعده بعد شهر الصيام .. وتجمع الحبايب مع هذه الوجبه يجعل لها طعم آخر مع اللمه والعيش الشمسى ويكون العيد عيدين ... احنا مش عايزين عاداتنا تنقرض وتتنسى لان الشباب الصغير ميعرفش إللى انا سردته ولا يعرف الناس الطيبه إللى ذكرتها ولا الأماكن زى ما انا او أنتم حاجات كتير وحكاوى وناس ما لحقناها ولا نعرف شئ عنها .. اكتبوا للتاريخ وللاجيال وكل عام وانتم بخير
