كتب/أيمن بحر
عم جميل راجل قبطي مسيحي ساكن في شبرا، وقت حرب أكتوبر كان ضابط في سلاح الإشارة وحوليه جنوده كلهم صائمين في رمضان، وعشان يقوي علاقته بيهم قرر أنه يصوم رمضان معاهم خلال الحرب، وبالفعل من وقتها وعم جميل كل سنة بيصوم في رمضان، ومش بس كده اشترك مع جاره المسلم في تأسيس مائدة مستمرة من 36 سنة.
وعشان هو اسم على مسمى، خاف على كرامة الناس جيرانه وأهله من الفقرا الي مش بيرضوا يجيوا يفطروا في المائدة، فكر وقرر أن يجيب 100 عمود أكل ويوزعهم على الجيران والأهل وكل واحد فيهم يجي قبل الفطار بساعتين ياخد الي يكفيه ويكفي عياله، ومش بس كده ويسألهم نفسكوا في أيه ونعملكوا أكل أيه بكره... البلد دي حلوة بناسها الطيبين