متابعة / رضا السعيد
طالب الرئيس عبدالفتاح السيسي المصريين بتوحيد صفوفهم لمواجهة التحديات التى تواجهنا في بناء الدولة.
وأضاف الرئيس، خلال إلقاء كلمته باحتفالية استراتيجية التنمية المستدامة لعام 2030، "لو فى اصلاح يبقي لازم ندفع التمن.. التمن دا يبقي على حساب الاسر يعني مرتبات الناس لا ، وانا بقول وبسمع من كل المصريين".
وتابع :"اذا كان فى 7 مليون موظف، مليون منهم كفاية ، هل مصر هتقول للأسر دي ملكمش مكان عندنا، هل مصر قالت عندنا عجز موازنة فنخفض مرتباتكم 10% هل هيأثر على حجم العلاوة الدورية اللى بتتاخد كل سنة لا ".
واكد الرئيس أن هناك الكثير من التشريعات والقوانين تحتاج للتعديل قائلا:" نعدلها اذا كنتوا عاوزين تصلحوا كلامكم بجد تقفوا جنب مؤسسات الدولة"، مشددا على انه لابد ان نكون دولة تحترم القانون وسيادته.
واوضح الرئيس ان هناك مخططا لهدم الدولة قائلا إنه يبدأ بأن نشكك فى البرلمان ونهاجمه ثم الحكومة ثم مؤسسات الدولة "، وواصل قائلا:"لا يا جماعة مش ها يتبقى حاجة".
__ السيسي:"اللى يفكر يقرب من البلد دي هاشيله من على وش الأرض"
هدد الرئيس عبدالفتاح السيسي أي جهة تفكر في المساس بمصر قائلا:"محدش يفكر ان طولة بالى وخلقي الحسن انه ضعف، اللى هيفكر يقرب للبلد دي هاشيله من على وش الارض".
وتابع الرئيس خلال كلمته:" انتوا 90 مليون وانا مسئول قدام ربنا انى أخلي بالى منكم عاوزين تخلوا بالكم معايا اهلا مش عاوزين اسكتوا".
واكد الرئيس:" مصر في رقبتنا كلنا وانا لما اقول كدا مش معناها انى بشكك فى حد".
__ السيسي: "مش هينفع نهين المصري والداخلية مش كلها وحشه"
قال الرئيس عبد الفتاح السيسي خلال كلمته بمسرح الجلاء بمناسبة إطلاق رؤية استراتيجية التنمية المستدامة 2030، «إحنا مش هينفع نهين المصري، وهما لازم يعرفوا وكلنا نعرف إننا كلنا واحد ودي بلدنا».
وتابع :« لو حد فينا غلط يتحاسب ده ملوش علاقه بالباقي، يعني أنا أقدر أقول يعني لو حد فى الإعلام غلط يبقى كله وحش، وبرضه الداخلية لو حد غلط مينفعش يبقى كله وحش».
ووجه الرئيس حديثه لمؤسسات الدولة قائلا:«انتوا جزء من البلد دى ومسئولين عن أمنها وسلامتها وعلاجها، ولازم تخلوا بالكوا منها وتشوفوا الواقع، وبينا كلنا نقدر ننهى مشاكل كتير، ولازم نسمع بعض ونتفهم بعضنا البعض، والحكومة والإعلام ومنظمات المجتمع المدني محتاجين مجهودهم عشان نقوى النسيج الوطني».
__ السيسي: "أنجزنا مشروعات خلال عام ونصف.. مدتها الاصلية 20 سنة"
قال الرئيس عبدالفتاح السيسي إننا أنجزنا مشروعات خلال العام ونصف العام الماضيين كانت تستغرق 20 عاما.
وأضاف الرئيس خلال إلقاء كلمته باحتفالية استراتيجية التنمية المستدامة لعام 2030" مش عاوزة اقسم ان اللي اتعمل فى سنة ونص ميتعملش فى 20 سنة هذا ليس جهدي انا ولكن جهدكم يا مصريين".
كما طمأن الرئيس كل المصريين، قائلا.." مصر واقفة على رجليها وبخير وسلام".
