كتبت/سمر عادل شهاب
.jpeg)
.jpeg)
لما تقطعى الباذنجان علشان تقليه قطعيه بالطول علشان ما يشربش زيت معاكى وكمان رشى عليه ملح ودقيق وبكده هينزل كل ميته ومش هيشرب زيت برضه
الجلاش علشان ما يبقاش نئ من جوه ادهني كل واحدة لوحدها ورصيها في الصينية وتكون السمنه سخنه وكلي بقا احلا جلاش مقرمش
لما تعملى الارز سواء بسمتى اوابيض عادى
لو بسمتى الكوب بياخد كوبين ميه
اما الرز المصرى الكوب بياخد كوب ميه .
علشان تعملي البصل المحمر بتاع الكشري والكشك وما يبقاش طرى رشى عليه رشة نشا وحمريه النشا مش بيطلع السوائل اللى فى البصل ويفضل ناشف متحمر ومقرمش .
وانتى بتعملى الحواوشى او العيش باللحمه حطى حزمة كسبرة خضراء ورشة كباب صينى ورشة جوزة الطيب هتخلى الطعم مميز والريحة تحفة .
لما تيجى تعملى اى حاجة فيها كاكاو او شيكولاته حطى ملعقة صغيرة قهوه هتديكي احلي طعم مميز جدااااا.
تكة تحفة فى الطبخ حاجة اسمها تحديقة
عبارة عن ثوم وقرن فلفل حامى او رومى وملح وفلفل اسود
وتدقيهم كويس وتحطيها فى اى طبخة بتعطى طعم تحفة.
علشان لما تعملي صلصة المكرونه تكون معاكى حلوة وتخينة فى قوامها وانتى بتسلقى المكرونة تاخدى حبة من ماء السلق وتحطيها على الصلصه بتعطى قوام تخين للصلصة وطعم ايه يجنن
علشان تقشري التوم ويكون سهل في تقشيره انقعيه في شوية مياه
اللهم صلي علي سيدنا محمد
