تحرير/ أيمن بحر
الست اللي في الصوره دي ، ست بوسنية من مسلمي البوسنة، الست دي عندها محل سمته egypt ، واللي معاها في الصوره ده رحالة مصري اسمه احمد حجاجوفيتش وهو اللي روي القصه دي عنها
بيقول انه كان بيتجول في شوارع البوسنة ولما شاف المحل اللي باسم مصر ، فرح وكان مبسوط وراح عند المحل فالست بتسأله عن سر سعادته فقالها انه مصري وفرحان ان المحل اسمه مصر
الست ابتسمت ابتسامه كبيره وقالتله انت وكل فريقك واصدقائك معزومين علي حساب المحل ، ولما سألها عن سبب الكرم ده قالتله بالنص ( أنت مصري، وأنا كل مصري أشيله فوق رأسي وأعشق التراب اللي بيمشي عليه وأقدم أي شيء ولو كانت روحي فداءً له )
وبدأت تحكي قصتها :
ايام حرب البوسنة ، هجم الصرب علي بيتها وقتلوا أبوها واخواتها الولاد وكان عددهم خمس ولاد ، اتقتلوا قدام عنيها ، وبدأوا يقطعوا هدومها هي وامها عشان يغتصبوها ، في مرور دوريه من القوات الدوليه بتاعت حفظ السلام كان فيها ظابط مصري
وعلي طول الظابط مستناش يسأل ولا يستفسر ولا يطلب دعم زي جنود بقية الدول التانيه مابتعمل ، ده نزل عجن وضرب في الجنود الصرب
وأنقذني وأنقذ أمي ، لكن وعسكري صربي بيهرب ضرب الظابط المصري رصاصه في راسه واستشهد علي طول
ومن ساعتها والست دي غيرت اسمها ل ( هنا ) وغيرت اسم محل ابوها ل egypt ولسه محتفظه بشارة ورتبة الظابط المصري دا ومعلقاهم في أهم مكان في المحل وعليهم دمه عشان متنساش ابدا الموقف دا
وبتقول انها بتعشق مصر والتراب اللي بيمشي عليه اي مصري
